Olımpıada chempıony jol apatyna ushyrady

Kıprop taýly jerdegi shuǵyl burylysta kólikti basqara almaı qalǵan. Sportshynyń mashınasy tasqa soǵylyp, joldan shyǵyp ketken. Bul týraly Agence France-Pressehabarlady.

Bir qýanarlyǵy, Kıprop jeńil jaraqattanǵan. 24 jastaǵy Kıprop 2013 jyly Máskeýde jeńil atletıkadan ótken álem chempıonatynda 1500 metrlik qashyqtyqty baǵyndyryp, altyn enshiledi. Bul onyń álem birinshiligindegi ekinshi altyny. Birinshi ret Kıprop Ońtústik Koreıanyń Tegý qalasynda ótken chempıonatta jeńimpaz atandy.

2008 jyly Beıjińde ótken Olımpıadada Kıprop aqtyq básekede (1500 metr) ekinshi orynnan kóringen bolatyn. Alaıda Bahreınnen kelgen Rashıd Ramzı dopıng qoldanǵany úshin altyn júldeden aıyrylyp, resmı túrde kenııalyq sportshy jeńimpaz atanǵan edi.