Olımpıada chempıony Jaqsylyq Úshkempirov jaıly úzik syr
ASTANA. QazAqparat - Kásibı sportshy, sońǵy kezderi iskerlik qyrynan tanylyp júrgen qazaqtan shyqqan tuńǵysh Olımpıada chempıony, álem chempıony, Eńbek sińirgen sport sheberi, grek-rım kúresiniń palýany Jaqsylyq Úshkempirov jaıly aıtylmaǵan úzik syr men estelikter - «Qazaqstan» ulttyq telearnasynda.
Bul týraly Ulttyq arnanyń baspasóz qyzmeti habarlady.
Úlken sportqa qalaı keldi, 1980 jylǵy Máskeýdegi Olımpıadada 30 jasynda chempıon atanǵan alǵashqy qazaqtyń búgingi kásibi - asyl tuqymdy mal basyn kóbeıtýmen aınalysý isindegi qıynshylyqtar men aýyrtpalyqtar, qýanyshtar men jetistikter, tártip pen ádep máselesi, otbasynyń qamy, úsh ul men segiz nemere súıip otyrǵan abzal ákeniń zeınettegi tynys-tirshiligi, dos-joralarynyń estelikteri jaıly 21 naýryzda saǵat 21.00-de «Qazaqstan» telearnasynda.
«Qazaqstan» telearnasynda aqpannyń sońǵy senbisinde efırge shyqqan jańa formattaǵy-«memýarlyq» janrdaǵy - «Senbilik kezdesý» atty jańa baǵdarlamanyń júrgizýshisi Qurmanbek Jumaǵalı tanymal tulǵalardyń el bilmeıtin jeke ómiriniń qyr-syrlaryn ashady.
