Olımpıada chempıony ıÝrıı Melnıchenko jeke zattaryn Ulttyq mýzeıge tapsyrdy
Olımpıada chempıony murajaı qoryna VII Qysqy Azııa oıyndary Alaý estafetasy alaýgeriniń sertıfıkatyn, Alaý tuǵyryn jáne arnaıy altyn medalin syıǵa tartty.
«Qazaqstannyń eńbek sińirgen jattyqtyrýshysy ıÝrıı Vasılevıch Melnıchenkonyń jeke zattaryn mýzeı qoryna qabyldaý arqyly biz bolashaq jastarǵa salaýatty ómir saltyn qalyptastyrý jáne buqaralyq sportty damytýdy nasıhattaımyz. Táýelsizdiktiń tuǵyryn bıik ustaǵan 30 jyl ishinde Qazaqstan kóptegen jetistikterge jetti. Sportshylarymyz halyqaralyq iri dodalarda top jaryp, el mereıin asyryp keledi. Qazaqstandyq sportshylardyń jeńisteri elimizdiń halyqaralyq arenadaǵy ımıdjin qalyptastyrýǵa septigin tıgizedi» - deıdi QR Ulttyq mýzeı dırektory Arystanbek Muhamedıuly. Ol sportshyǵa alǵys hat tabystady.
Іs-sharaǵa Sport jáne dene shynyqtyrý isteri komıtetiniń tóraǵasy Serik Sapıev, «Sportty damytý dırektsııasy» dırektorynyń orynbasary Erkeǵalı Kórbozov, «Sportty damytý dırektsııasynyń» sporttyq sharalardy ótkizý jáne uıymdastyrý bóliminiń jetekshisi Vladıslav Esıpov, Kúshtik sport túrleri boıynsha tórt dúrkin álem rekordshysy, tanymal palýan Sergeı Tsyrýlnıkov qatysty.
Jıyn barysynda Olımpıada chempıony sport mektebi oqýshylarynyń suraqtaryna jaýap bere otyryp, bolashaq chempıondarǵa jeńiske jetý jolynda aıańbaı eńbek etý kerek ekenin jetkizdi. Kezdesý sońynda qatysýshylar estelik sýretke túsip, tanymal sportshynyń qoltańbasyn aldy.
Eske sala ketsek, Melnıchenko ıÝrıı Vasılevıch - Qazaqstannyń 7 dúrkin chempıony, Azııanyń 2 dúrkin chempıony (1996, 1997), Azııa oıyndarynyń chempıony (Hırosıma, 1994), 57 kelige deıingi salmaq dárejesinde XXVI Olımpıada oıyndarynyń chempıony (Atlanta, 1996), Álem chempıony (1994, 1997), Grek-rım kúresinen QR Eńbek sińirgen sport sheberi (1994).
1996 jyly Qazaqstan Respýblıkasy Prezıdentiniń Jarlyǵymen «Parasat» ordenimen marapattaldy. 2004 jyly «Qazaqstannyń eńbek sińirgen qaıratkeri» qurmetti ataǵyn aldy.
