Olımpıada chempıony Vınokýrov Abzal Ájiǵalıevqa tosyn syı jasady

NUR-SULTAN. Qazaqparat - Qazaqstandyq London Olımpıadasynyń chempıony Aleksandr Vınokýrov short-trekshi Abzal Ájiǵalıevke syılyq jasady, - dep habarlaıdy QazAqparat.

Bul týraly Ájiǵalıev óziniń Facebook -tegi jeke paraqshasynda jazdy.

«Men bul kúndi umytpaımyn. Keshegi jazbadan bir kún ótpeı، búgin tústen keıin maǵan beıtanys nómirden qońyraý shaldy. Ol Aleksandr Vınokýrovtyń ózi bolyp shyqty. Ol meniń jazbamdy oqyp, olımpıadadaǵy joǵary nátıjemmen quttyqtaý úshin úıine shaqyrdy. Men úshin onyń qońyraýy tosynsyı boldy. Maǵan @vinobike velosıpedin syılaıdy dep tipti oılamadym! Álemdik velosporttyń ańyzǵa aınalǵan chempıony jáne naǵyz tulǵa @alexandrvinokurov-qa alǵysymdy aıtamyn! Bizdiń sportqa jasap jatqan isterińiz úshin jáne maǵan kórsetken qoldaýyńyz úshin raqmet», - dep jazdy sportshy.

Ájiǵalıevke syılaǵan velosıped jańa jeńisterge jetýine septigin tıgizetinin tilep, jaýap berdi. «@abzal_azhgaliyev-pen jyly kezdesý boldy. Beıjińdegi qysqy olımpıada oıyndarynda laıyqty óner kórsetkeni úshin búkil sport qaýymy atynan alǵys aıtyp, álem chempıonatyna sáttilik tiledim. Bul @Vinobike velosıpedi sáttilik ákelip, jeńiske jetýge kómektesedi dep senemin! # teamkz», - dedi Vınokýrov.

Esterińizge sala keteıik, Beıjińde ótken Qysqy Olımpıada oıyndarynda Ájiǵalıev 500 metrge júgirýden tórtinshi oryn alǵan bolatyn. Sondaı-aq, ol Olımpıadanyń ashylý jáne jabylý saltanatynda Qazaqstan týyn ustap shyqqan bolatyn.