Olımpıada chempıony Olga Rypakova uldy boldy
ASTANA. 14 maýsym. QazAqparat - 12 maýsym kúni dúnıege ul ákelgen Olımpıada chempıony Olga Rypakova perzenthana qabyrǵasynda jattyǵý jumystaryna kirisip ketti.
Bul týraly Vesti.kz. jazyp otyr.
Sportshynyń ekinshi balasynyń salmaǵy 3,5 keli, boıy 55 santımetr. Olga men Denıs Rypakovtar búginde 9 jastaǵy qyzdaryn tárbıelip otyr. Qazirgi ýaqytta ana men sábı úılerine oralýǵa ázirlenýde.
- Bizdiń jaǵdaıymyz jaqsy,-deıdi sportshy.
- Ázirge perzenthanadamyz, erteń shyǵaryp qalýy múmkin. Biraq áli jalpy tekserý júrgiziledi, sodan keıin naqty belgili bolady.
- Sábıge esim tańdadyńyzdar ma?
- Ázirge balanyń týý kýáligi berilgen joq, sondyqtan tańdap jatyrmyz. Sábıdiń alǵashqy qujaty qolymyzǵa tıgen soń, birden habarlaımyz.
Eske sala keteıik, Olga Rypakova 2012 jyly Londonda uzyndyqqa sekirýden, úsh qarǵyp sekirýden, jeti saıystan olımpıada altynyn jeńip aldy. Onyń jubaıy Denıs Rypakov Qazaqstannyń jeńil atletıka boıynsha eńbegi sińgen jattyqtyrýshy jáne Olganyń jeke bapkeri bolyp tabylady.
