Olımpıada chempıony Olga Rypakova Qazaqstan chempıonatyna qatyspaıdy
ASTANA. QazAqparat - Búgin Almatyda jeńil atletıkadan Qazaqstan chempıonaty bastaldy, dep habarlaıdy QazAqparat tilshisi.
QR Jeńil atletıka federatsııasy málim etkendeı, eki kúnge jalǵasatyn el birinshiligine Astana, Almaty, Shymkent qalalarynan jáne 13 oblystan jalpy sany 221 (134 er, 87 áıel) atlet qatyspaq.
Osy oraıda aıta keteıik, el birinshiligine úzdikterden tek Olımpıada chempıony Olga Rypakova qatyspaıdy. Ol Azııa oıyndaryna jeke daıyndalyp jatyr.
Al Vıktorııa Zıabkına, Mıhaıl Lıtvın, Irına Ektova, Olga Safronova, Sergeı Grıgorev bastaǵan qurama kóshbasshylarynyń barlyǵy el chempıony ataǵy úshin synǵa túsedi.
Qazaqstan chempıonatynda 42 medal sarapqa salynady (21-i erler, 21-i áıelder arasynda). Jarystyń alǵashqy kúni 22 saıys túrinen, erteńinde 20 saıystan chempıondar anyqtalady.
Qazaqstan chempıonatynyń qorytyndysyna sáıkes, Indonezııada ótetin Jazǵy Azıada oıyndaryna qatysatyn qurama tolyq jasaqtalady.
