Olımpıada chempıony O.Rypakova: «Meniń elim - Qazaqstan!»
ASTANA. 11 tamyz. QazAqparat - Astanaǵa XXX Olımpıada oıyndarynyń chempıony Olga Rypakova keldi.
Keshe ol «Qazaqstan» kontsert zalynda ótken «Meniń elim - Qazaqstanym!» atty patrıottyq ánder kontsertine qatysty.
Kontsert barysynda ol sahnaǵa shyǵyp, sóz sóıledi. «Búgin biz bárimiz jınalyp, birtutas Qazaqstan ekenimizdi taǵy bir márte kórsettik. Sonaý Londonda biz Qazaqstan halqynyń qyzý qoldaýyn sezip júrdik. Osynyń arqasynda biz jeńiske jettik. Áli esimde, minberge kóterilip, Qazaqstannyń Ánurany oınaǵan kezde, meniń boıymdy óz elim úshin maqtanysh sezimi bıledi. Dál sol ýaqytta meniń týǵan qalam - Óskemen jáne bizdiń ásem Astanamyz kóz aldyma keldi. Árıne, otandyq sportqa jan-jaqty qoldaý jasap jatqan bizdiń Prezıdentimizge alǵysymyz sheksiz. Men bilemin, alda bizde áli talaı jeńister bolady», - dedi XXX Olımpıada oıyndarynyń chempıony O.Rypakova. Sóz sońynda ol: «Meniń elim - Qazaqstanym!»,- dep taza qazaq tilinde uran saldy.
