Olımpıada chempıony Maııa Maneza uldy boldy
ASTANA. 20 tamyz. QazAqparat - Aýyr atletıkadan eki dúrkin álem chempıony, London Olımpıadasynyń jeńimpazy Maııa Maneza Almatydaǵy aýrýhanalardyń birinde dúnıege ul ákeldi, dep habarlady sportshynyń joldasy Vıacheslav Ershovtyń sózinen keltirgen Vesti.kz.
Maııa 20 tamyz kúni bosandy. Balanyń boıynyń uzyndyǵy - 50 sm, salmaǵy - 3 kılogramm. Erli-zaıyptylar birinshi balalarynyń atyn Arsenıı dep qoıdy.
«Bári sátti ótti, Maııa men bala ózderin jaqsy sezinedi, biz baqyttymyz!» - dedi Ershov.
Maııa Maneza Qazaqstan namysyn 2007 jyldan beri qorǵap keledi. 2009 jáne 2010 jyldary ol 53 kelige deıin salmaq dárejesinde álem chempıony atandy, sonymen birge, 2010 jyly Azııa oıyndarynda jeńimpaz boldy. 2011 jyly Parıjde ol álemdik birinshiliktiń kúmis júldegeri atansa, 2012 jyly Londonda olımpıada chempıony atandy.
Osy jyldyń sáýir aıynda ol 2006 jylǵy Azııa oıyndarynyń chempıony, aýyr atlet Vıacheslav Ershovqa turmysqa shyqqan bolatyn.
Eske sala ketsek, bir-eki aı buryn taǵy bir olımpıadalyq jeńimpaz, jeńil atletshi Olga Rypakova da uldy bolǵan edi. Al shilde aıynda qazaqstandyq aýyr atletshi qyzdardyń biri Svetlana Podobedova qurama boıynsha óziniń áriptesi, 2009 jylǵy álem chempıony Vladımır Sedovpen otbasy qurdy.
