Olımpıada chempıony Maııa Maneza Qyzdar ýnıversıtetin támamdap, qolyna dıplom aldy - FOTO
ALMATY. QazAqparat - Búgin Olımpıada chempıony Maııa Maneza Qyzdar ýnıversıtetin «deneshynyqtyrý jáne sport» mamandyǵy boıynsha támamdap, qolyna dıplom aldy.
«Men Qyzdar ýnıversıtetinde bilim alyp, bitirip otyrǵanyma qýanyshtymyn. Qýanyshty sátimde barlyq ustazdaryma alǵysymdy bildirgim keledi. Osy ýnıversıtette oqyǵan ýaqyttary eki dúrkin álem chempıony, London olımpıadasynyń chempıony atandym. Aldaǵy ýaqytta oqýymdy jalǵastyramyn, magıstratýraǵa túsý oıymda bar. Bilimmen qatar, sporttyq karerany da birge alyp júremin. Qazir de úlken daıyndyq ústindemin», - dedi Olımpıada chempıony Maııa Maneza.
Esterińizge sala keteıik, ziltemirshi Maııa Maneza 2010 jyly qyrkúıek aıynda Qyzdar ýnıversıtetine oqýǵa túse salysymen 63 keli salmaq dárejesinde Túrkııanyń Antalııa qalasynda ótken álem chempıonatyna qatysyp, eki dúrkin álem chempıony ataǵyn ıelendi (2009 jyly Ońtústik Koreıada álem chempıony ataǵyn jeńip alǵan). Sol ýaqytta ziltemirshi arý qyzymyz 143 keli salmaqty baǵyndyryp, álem rekordyn jańartqan bolatyn.
Osy jyldyń qarasha aıynda Qytaıdyń Gýanchjoý qalasynda ótken HÚІ jazǵy Azııa oıyndaryna qatysyp, Qazaqstan qorjynyna 1 altyn medal saldy. 2011 jylǵy qyrkúıek aıynda Taldyqorǵan qalasynda ótken Qazaqstan halqy spartakıadasynda 69 keli salmaq boıynsha 1-oryn alyp, qazan aıynda Frantsııanyń astanasy Parıj qalasynda ótken olımpıadanyń lıtsenzııalyq álem chempıonatynda 63 keli salmaqta kúmis medalǵa ıe boldy.
2012 jyly Maııa Maneza Ulybrıtanııanyń astanasy London qalasynda ótken HHH jazǵy olımpıadalyq oıyndarǵa qatysyp, óz salmaǵynda álemde teńdesi joq ekenin dáleldep olımpıada rekordyn jańartyp, chempıon atandy.
Aıta keteıik, Qazaq memlekettik qyzdar pedagogıkalyq ýnıversıtetin bıyl magıstratýra boıynsha 249, bakalavr boıynsha 2 630 túlek támamdap, qoldaryna dıplomdaryn aldy.
Saltanatty jıyndy ýnıversıtettiń rektory Nóketaeva Dınar ashyp, bıyl bilim uıasynan túlep, qanattanyp shyqqan qarlyǵash - túlekterge aq tilegin bildirdi.
«Qurmetti bitirýshi túlekter! Sizder búgin 70 jyldyq tarıhy bar qasıetti Qyzdar ýnıversıtetin «70-shi túlegi retinde» aıaqtap, máńgi tarıhymyzda qalyp, úlken ómirge joldama alǵaly otyrsyzdar. Búgin barlyǵymyz úshin erekshe kún, erekshe mereke. Sizderden úmit kútken ata-analaryńyz úshin de óte úlken qýanysh. Aldaǵy ýaqytta ustazdaryń men ata-analaryńnyń úkili úmitin aqtap, tamasha maman ıesi bolady dep senemin. Oqý ordasynda alǵan bilimderińizdi ómirde qoldana bilip, eńbek jolynda tabystarǵa jetýlerińizge tilektespin! Úlken ómir jolyna bastar qadamdaryńyz sátti bolsyn deı otyryp, barshańyzǵa aq jol tileımin!» - dedi.
