Olımpıada chempıony elordalyq balalarǵa mánerlep syrǵanaýdy úıretedi
ASTANA. QazAqparat - Mánerlep syrǵanaýdan Olımpıada chempıony Elena Ilınyh Astana qalasy Іshki ister departamenti qyzmetkerleriniń balalary úshin sheberlik sabaǵyn ótkizedi, dep habarlaıdy QazAqparat ákimdiktiń resmı saıtyna silteme jasap.
ІІD baspasóz qyzmetiniń málimetinshe, kezdesý 19 qańtarda saǵat 18:00-de «Barys» sport saraıynda ótedi. Eki dúrkin Olımpıada chempıony, Reseıdiń eńbek sińirgen sport sheberi Elena Ilınyh muz alańynda jattyǵýlardy kórsetip, jasóspirimderge óziniń sporttyq jetistikteri týraly aıtyp beredi. Ol Olımpıadadaǵy tájirıbesimen bólisip, qonaqtardyń suraqtaryna jaýap beretin bolady dep kútilýde.
«Sharany ótkizýdegi basty maqsat - buqaralyq sportty damytý, polıtsııa qyzmetkerleriniń ımıdjin kóterý, kámelet jasyna tolmaǵandardyń arasynda nashaqorlyqtyń aldyn alý, sondaı-aq, Qazaqstanda mánerlep syrǵanaý sportyn nasıhattaý», - delingen vedomstvo taratqan habarlamada.
Shara Astana qalasynyń ІІD, «Dınamo» DSQ jáne qalalyq ákimdik qyzmetkerleriniń uıytqy bolýymen ótedi.
