Olımpıada chempıony ekenin bilmegen - Serik Sápıevpen janjaldasqan sportshynyń jattyqtyrýshysy
ASTANA. QazAqparat – Almatyda ótken Batyrball saıysy kezinde bokstan Olımpıada chempıony Serik Sápıevpen tóbelese jazdaǵan sportshynyń jattyqtyrýshysy Aleksandr Goltsman oqıǵaǵa qatysty pikir bildirdi. Onyń málimdemesi qazaqstandyq aralas jekpe-jek sheberi Artem Reznıkovtyń Іnstagram paraqshasynda jarııalandy, dep habarlaıdy QazAqparat tilshisi.
Meniń shákirtim Zelımhan (Zelımhan Mýsıhanov - avtor) Serik Sápıevtiń Olımpıada chempıony ekenin bilmegen. Men ol jerde birden shákirtime bara almadym, meni ustap turdy. Zelımhan kúresip júrgen, meniń zalymda turyp júrgen bala. Ol jattyǵýǵa alystan keledi. Sondyqtan, zalda jalǵyz ózi turyp júr. Ol bilmegen eken. Ol jaǵynan renjimeńizder. Ekinshi jaǵynan, ol jerde bolǵan oqıǵany kórip, men de ashýlanyp kettim. Jattyqtyrýshy retinde jumys jasaǵannan keıin shákirtterimdi únemi qoldap júremin. Degenmen, ashýym tarqaǵan soń, Serik aǵamyzdy kútip, bardym, sóılestim. Ol kisi de emotsııa kezinde barlyǵy bolatynyn aıtty. Eshqandaı shaǵym bolmady ol kisiniń (Serik Sápıev - avtor) tarapynan. Árıne, qatelik ketken shyǵar. Biz ol úshin keshirim suradyq
, - dep málim etti sportshynyń jattyqtyrýshysy Aleksandr Goltsman.
Eske salsaq, keshe bokstan Olımpıada chempıony Serik Sápıev Almatyda ótip jatqan Naiza 49 týrnırinde Batyrball oıynyna qatysqan bolatyn. Saıys kezinde Sever-Yug komandasynyń múshesi Serik Sápıevke qarsy kúrestiń bir ádisin qoldandy. Bul boksshyǵa unamady. Sóıtip, aıaq astynan ekeýiniń arasynda janjal bastalyp ketti. Olımpıada chempıonynyń Academy of Sports komandasy jeńiske jetken match aıaqtalyp, sportshylar qol alysqan kezde taǵy da tóbeles bola jazdady.
