Olımpıada chempıony Dmıtrıı Balandın Qazaqstannyń «Jyl sportshysy» atandy
ASTANA. QazAqparat - «Halyq súıiktisi» syılyǵy aıasynda Olımpıada chempıony Dmıtrıı Balandın Qazaqstannyń «Jyl sportshysy» atandy, dep xabarlaıdy QazAqparat.
«Qoldaýlaryńyzǵa úlken rızashylyǵymdy bildiremin, aldymyzda budan da kóp jeńister bolatynyna senimdimin», -dedi Dmıtrıı Balandın syılyqty tabystaý rásiminde.
Uıymdastyrýshylardyń atap ótýinshe, syılyq 24 atalym boıynsha beriledi. «Jyl ustazy», «Jyl dárigeri», «Batyl júrek», «Jyl blogeri», «Jyl parlamentarııi», «Jyl bıznesi», jáne taǵy basqa.
Syılyq ıegerleri xalyqtyń daýys berýi arqyly anyqtaldy. Resmı málimetter boıynsha, daýys berýge 300 myńnan astam qazaqstandyq qatysqan.
