Olımpıada chempıony Bekzat Sattarhanov týraly fılmniń alǵashqy tızeri jaryqqa shyqty
ASTANA. QazAqparat - Bokstan Olıımpıada chempıony marqum Bekzat Sattarhanov týraly kórkem fılmniń alǵashqy resmı tızeri jaryq kórdi.
Kartınada basty keıipkerdi Asylhan Tólepov somdaıdy.
Jobaǵa 60 akter tartylǵan. Joba rejısseri Ermek Shahmettiń áleýmettik jelidegi paraqshasynda jýyq arada taǵy bir tızer jáne tolyqqandy resmı treıler shyǵatynyn jazdy. Al baıopıktiń premerasy bıyl kúzge josparlanǵan.
«Bekzat» fılmine sondaı-aq Aıan Ótepbergen, Saıat Isembaev, Tursyn Quralıev, Baqtııar Qoja syndy akterler túsken, dep habarlaıdy kinostan.kz. Eske sala ketsek, qazaqstandyq boksshy 20 jasynda 2000 jylǵy Sıdneı Olımpıadasynda jasyndaı jarq etip, chempıon atanǵan bolatyn. Sol jyly, 31 jeltoqsanda asa daryndy sportshy jol apatynan qaza tapty
