Olımpıada chempıony Baqyt Sársekbaev bankke 13,6 mıllıon teńge qaryz bolyp shyqty
ASTANA. QazAqparat - Bokstan Beıjiń Olımpıadasynyń chempıony Baqyt Sársekbaevtyń basynan daý arylar emes. 31 arnanyń málimetine súıensek, batyr azamatymyz bankke 13 mıllıon 600 myń teńge qaryzdar eken. Atalǵan derekkóz basy daýdan arylmaı, bapkerimen de, jubaıymen de arazdasqan boksshynyń isi áli jalǵasyp jatyr dep málimdedi.
«Qazaqstan halyq banki» Astanadaǵy Saryarqa aýdandyq sotyna Sársekbaevtyń ústinen azamattyq aryz túsirgen. Boksshy 120 aılyq merzimge 15% syıaqy mólsherlemesi kóleminde 13 mıllıon 600 000 teńge nesıe alyp, jyljymaıtyn múlik retinde Astana qalasyndaǵy jeke páterin kepilge qoıypty. Sońǵy tekseristerden keıin sot ekijaqty kelisimdi jaramsyz dep tanydy. Óıtkeni, onyń óz mindetinen jaltarmaq bolǵany anyqtalǵan. Endi boksshy bankke qaryzy men memleket paıdasyna sot shyǵyndaryn tolyq óndirip berýi kerek.
Esterińizge sala keteıik, buǵan deıin Baqyt Sársekbaev taǵy bir sotta jeńilip, ózine tıesili avtokólikti Elvıra Sársekbaevaǵa berýge sheshim shyqqan bolatyn.
