Olımpıada chempıony B.Sársekbaevtyń turǵyn úı daýyna qatysty jańa málimetter belgili boldy
ASTANA. QazAqparat - Olımpıada chempıony Baqyt Sársekbaevtyń qatysýymen bolǵan turǵyn úı daýyna baılanysty jańa málimetter paıda boldy - boksshy óziniń áıelimen ajyrasyp ketken.
Boksshy óziniń jattyqtyrýshysy K.Mahmýdovqa qarsy sotqa aryz berip, onda ózi syıǵa tartqan páterdi qaıtaryp berýdi talap etken. Bul baspanany 2008 jyly Sársekbaev jattyqtyrýshysyna alǵys retinde syıǵa tartqan. Alaıda páter kilti oǵan aýyzsha jasalǵan kelisimmen, ıaǵnı, eger jattyqtyrýshy boksshyny Londondaǵy Olımpıadaǵa komanda quramyna engizý kerek degen shartpen berilgen. Alaıda boksshy ol kuramanyń sapynda bolmaı shyqty. Osy jaǵdaı sotta Sársekbaevtyń óz páterin qaıtaryp alý sebebi retinde kórsetilgen. Sotta jeńilgen Sársekbaev qoldaý surap depýtat Qaıyrbek Súleımenovtiń qabyldaýynda bolǵan.
Osyǵan deıin «Vremıa» gazetinde jazylǵandaı, boksshy týǵan aǵasy Baýyrjannyń páterin alyp qoıyp, ony satyp jibergen. Qazirgi ýaqytta, keıbir málimetter boıynsha, boksshy «Sana» turǵyn úı kesheninde jattyqtyrýshysy K.Mahmýdovtyń páterinde turyp keledi eken.
Sot otyrysynda jattyqtyrýshy K.Mahmýdovtyń múddesin jaqtaýshy R.Jumaǵalıevanyń suraýymen alynǵan ádilet organdarynyń qujattarynan Baqyt Sársekbaevtyń ótken jyly kúzde óziniń áıelimen ajyrasyp, kishkentaı úsh balasymen olardy «Abaı» keshenindegi burynǵy páterinde qaldyrǵany anyqtaldy. R.Jumaǵalıeva «sonymen birge, neke jáne otbasy zańnamasynda júktilik kezinde nekeni buzýǵa tyıym salynatynyn» aıtyp, osy istiń zańdylyǵyn tekserýge shaqyrdy. Qazir sportshynyń qyzy jáne eki uly bar. Boksshynyń áıeliniń qazir tórtinshi balaǵa júkti ekenin Sársekbaevtyń týystary aıtty.
