Olımpıada chempıony ataǵyn alǵan tuńǵysh qazaq týraly fılm túsirilip jatyr
ASTANA. QazAqparat - Olımpıada chempıony atanǵan tuńǵysh qazaq - Jaqsylyq Úshkempirov týraly fılm túsirilýde, dep habarlaıdy «QazAqparat» HAA tilshisi.
«Bizdiń óndiriste qazirgi ýaqytta Jaqsylyq Úshkempirov týraly fılm bar. Bul Olımpıada chempıonyna arnalǵan tuńǵysh fılm. Bizdiń memlekette chempıondar týraly birde-bir kıno túsirilmegen. Bul biz úshin asa qajet», - dedi Arystanbek Muhamedıuly «Kınematografııa týraly» zań jobasyn tanystyrý kezinde.
Mınıstr óz sózinde tyń kartınaǵa tolyǵymen bıýdjet kózinen aqsha bólinetinin málim etti.
Jaqsylyq Úshkempirov 1951 jyly Jambyl oblysynda dúnıege kelgen. KSRO-nyń eńbek sińirgen sport sheberi, Qazaq KSR eńbek sińirgen jattyqtyrýshysy, Qazaq KSR erkin kúres boıynsha chempıony. Sonymen birge, ol - Álem chempıony (1981), Álem kýbogynyń kúmis júldegeri (1980), Keńes odaǵy birinshiliginiń eki dúrkin jeńimpazy (1975, 1980).
Eske sala ketsek, 2017 jyldyń 15 jeltoqsanynda Qazaqstan Prezıdenti Nursultan Nazarbaev Jaqsylyq Úshkempirovke «Qazaqstannyń Eńbek Eri» ataǵyn bergen bolatyn.
