Olımpıada chempıony Mıhaıl Shaıdorov: qazaqstandyqtardyń qoldaýyn sezindim

MILAN. KAZINFORM – Mánerlep syrǵanaýdan 2026 jylǵy qysqy Olımpıada oıyndarynyń chempıony Mıhaıl Shaıdorov qazaqstandyqtarǵa alǵys aıtty.

Mılanda ótip jatqan Olımpıada oıyndarynyń marapattaý saltanatynan keıin sportshy BAQ ókilderine shaǵyn suhbat berip, otandastaryna sálemin joldady.

— Shynymdy aıtsam, qolaý óte keremet boldy. Ásirese trıbýnadaǵy qoldaý maǵan erekshe áser etti. Barlyq ekrannan tamashalaǵan jáne arnaıy osynda kelgen jankúıerlerge, sonymen qatar áleýmettik jelide qoldaý bildirip jatqan barlyq qazaqstandyqtarǵa kóp rahmet aıtamyn, — dedi Shaıdorov.

Sondaı-aq ol komandamyzdaǵy ózge de sportshylarǵa sáttilik tiledi.

— Dál qazirgi sátte ne bolyp jatqanyn sózben aıtyp jetkize almaımyn. Tek osy sátten lázzat alǵym keledi. Qazaqstandyq sportshylarǵa sáttilik tileımin. Aldaǵy jarystarǵa baryp qoldaý kórsetemin dep oılaımyn, — dedi Olımpıada chempıony.

Eske sala ketsek, Mıhaıl Shaıdorov araǵa 32 jyl salyp, el qorjynyna qysqy Olımpıada oıyndarynyń kezekti altyn júldesin syılady.