Olımpıada chempıony Imane Helıf Dj.K Roýlıng pen Ilon Maskty kıberbýllıng jasady dep aıyptady

ASTANA. KAZINFORM— Boksshynyń advokaty Variety basylymyna H áleýmettik jelisine qarsy shaǵym túsirilgenin aıtty, dep jazady Euronews.

Aljırlik boksshy Imane Helıftiń Parıj prokýroryna bergen shaǵymynda jazýshy Dj.K.Roýlıng pen mıllıarder Ilon Masktyń esimi ataldy.

Variety basylymynyń habarlaýynsha, 25 jastaǵy Helıf 2024 jyly Parıjde ótken Olımpıada oıyndary kezinde ınternet arqyly qysym kórgeni úshin frantsýz bıligine shaǵym túsirgen.

Helıftiń múddesin qorǵaıtyn Parıj advokaty Nabıl Býdı 9 tamyzda Parıj prokýratýrasy janyndaǵy ınternettegi jekkórýshilikke qarsy ortalyqqa jiberilgen shaǵymda Roýlıng pen Masktiń esimi atalatynyn rastady.

Advokat sotta Donald Tramptyń da aty atalǵanyn aıtty: «Tramp ta tvıt jarııalady, sondyqtan onyń esimi shaǵymda bar ma, joq pa, ol sózsiz aıyptaý bóligi retinde qarastyrylady».

Eger prokýrorlar aty atlǵandardyń birin aıypty dep tanysa, olarǵa qatysty eki jyldan bes jylǵa deıin bas bostandyǵynan aıyrý nemese on myńdaǵan eýro aıyppul salý jazasy qarastyrylýy múmkin.