Olımpıada chempıondary «Juldyzdar alleıasyn» ashty jáne Gennadıı Golovkındi quttyqtady (FOTO)
ASTANA. QazAqparat - Olımpıada chempıondary Ilıa Ilın men Aleksandr Vınokýrov Gennadıı Golovkındi rıngtegi 33-inshi jeńisimen quttyqtady, dep habarlady MEGA Park saýda oıyn-saýyq ortalyǵynyń baspasóz qyzmeti.
Eske sala ketsek, Gennadıı Golovkın Kalıfornııa shtatyndaǵy Inglvýd qalasyndaǵy «Forým» arenasynda amerıkandyq kishi Vıllı Monrony altynshy raýndta nokaýtqa jiberip, orta salmaqta sýperchempıondyq ataǵyn qorǵap qalǵan bolatyn.
Aleksandr Vınokýrov: «Gena-súıkimdi! Ol jurtshylyqty rahat sezimge bóledi, biz de bul jekpe-jekten úlken lázzat aldyq. GGG el mártebesin kóteredi, osy úshin de oǵan, onyń januıasyna jáne onyń komandasyna úlken rahmet»,- dep atap ótti.
Bul quttyqtaýǵa Ilıa Ilın de qosyldy. «Quttyqtaımyn, jaraısyń! Men ol úshin óte qýanyshtymyn. Tek alǵa umtylý kerek. Men bilemin, Genanyń aldynda úlken maqsattary bar, biz árqashanda onymen birgemiz. Jaraısyń, úlken-úlken jeńister tileımiz saǵan!».
Ilıanyń aıtýynsha, jeńistiń baǵasy - tynymsyz eńbek, tynymsyz daıyndyq. «Bul jeńister bizdi jańa asýlarǵa jeteleıdi»,- dedi eki dúrkin Olımpıada chempıony búgin Almatyda «Juldyzdar alleıasynyń» ashylý rásiminde. Osydan bireshe saǵat buryn munda onyń juldyzy «janǵan» bolatyn.
«Ilıa tarıhty jasaıdy», - dep qosty Ilındi ataýly juldyzymen quttyqtaýǵa kelgen Aleksandr Vınokýrov.
«Juldyzdar alleıasy» ashylǵannan keıin Olımpıada chempıondary Astana Group-tiń negizin qalaǵan Nurlan Smaǵulovpen, World Class dırektory Valıhan Tenmen jáne ataqty sportshylardyń ózge de jankúıerlerimen birge estelik selfı jasady.
«Juldyzdar alleıasy» - tanymal qazaqstandyqtardyń eńbegin máńgige qaldyrý úshin jasalǵan erekshe joba.
