Olımpıada chempıondary V.Smırnov pen O.Rypakova Astanadaǵy súıikti oryndaryn atady

«Astanalyq park jáne jańa alańdar. Bul oryndar óte zamanaýı jáne qalaǵa erekshe ár beredi, ondaǵy atmosferada jandanǵan ómir bar, qala yrǵaǵy bar», - dedi V.Smırnov qala kúni qarsańynda «QazAqparat» agenttigine. Astanalyq park aýmaǵynda ornalasqan shańǵy jarystary ulttyq federatsııasynyń prezıdenti Astanaǵa jaqyn Aqmola oblysy, Shýche qalasynda týǵanyn atap ótken jón.

Al «sport patshaıymy» ıaǵnı jeńil atletıka ókili O.Rypakova Óskemen qalasynda dúnıege kelgen. Elordada onyń týystary joq, sondyqtan bul qalaǵa kóp kele bermeıdi.  Astanaǵa sporttyq is-sharalar, kezdesýler men shaqyrtýlar aıasynda ǵana sapar shegedi. 

«Ádette, men Astanaǵa 1-2 kúnge ǵana kelemin. Qalany óte tez, asyǵys qarap shyǵamyn. Árıne, qalanyń damýy men sulýlyǵyn baıqamaý múmkin emes. Bizde óte sáýletti astana bar. «Astana Opera» jańa teatryna jol tústi. Óte ádemi jer, maǵan qatty unady. Ortalyq kósheler de óziniń sán-saltanatymen tańdaı qaqtyrady», dep sportshy óz oıymen bólisti.

«Biz álemniń kóptegen qalalarynda boldyq, barlyq qalany bir-birimen salystyra qaraımyz jáne Astana shyn máninde ádemi qala. Ol óziniń sulýlyǵymen basqalardan asyp túspese, esh kem emes. Men sóılesetin sheteldik sportshylardyń kópshiligi Astana týraly jaqsy pikirde», - dedi O.Rypakova.

1994 jyldyń 6 shildesinde QR Joǵarǵy Keńesi el astanasyn Almatydan Aqmolaǵa kóshirý týraly sheshim qabyldady. 1997 jyldyń 10 jeltoqsanynda astanany resmı túrde kóshirdi. Jańa astanany halyqaralyq tanystyrý rásimi 1998 jyly 10 maýsymda ótti. 1999 jyly ıÝNESKO sheshimimen Astana «Álem qalasy» ataǵyn jeńip aldy. 2000 jyldan bastap, Qazaqstannyń bas qalasy astanalar men iri qalalardyń halyqaralyq assambleıasynyń múshesi. 

Astana - Azııanyń eń soltústiginde ornalasqan astana. Búginde Astana aýmaǵy 722 sharshy shaqyrymnan asady. Halyq sany - 853 myń adam. Qala úsh aýdannan turady - «Almaty», «Saryarqa» jáne «Esil» aýdandary.