Olımpıada chempıondary elordalyq oqýshylardy jańa oqý jylymen quttyqtady
ASTANA. QazAqparat - Búgin elimizdiń barlyq mektepterinde alǵashqy qońyrý soǵylyp, saltanatty jıyndar uıymdastyryldy. Bul kún bilim uıalary jazǵy demalystan kelgen búldirshinderge esikterin aıqara ashyp qýanyshpen qarsy alatyn kún. Osy kúni Astana qalasyndaǵy «Nur Orda» mektep-lıtseıinde de alǵashqy qońǵyraý soǵylyp, bilim kúnine arnalǵan merkelik shara ótti.
Úsh aı demalystan keıin mektep ishi oqýshylarǵa tolyp erekshe kóńil-kúı syılap turdy. Oǵan búldirshinderdiń ý-shýy men ustazdardy quttyqtaǵan ata-analardy qosyńyz. Mine, dál osyndaı kóńil kúımen mektep basshysy Orhan Óztomsýk saltanatty jıyndy ashyp berdi. Dırektordyń júrek jardy quttyqtaý sózderinen keıin 2016 jylǵy Brazılııanyń Rıo-de-Janeıro qalasynda ótken Olımpıadada topjarǵan sportshylarymyz, atap aıtqanda, bokstan altynnan alqa taqqan Danııar Eleýsinov, kúmis medal ıegeri Vasılı Levıt jáne áıelder kúresinen kúmis júldeger atanǵan Gúzel Manıýrova oqýshalarǵa jańa oqý jylyna erekshe shabyt berip, bilim básekelerinde tolaǵaı tabys tiledi.
Osyndaı júldeger sportshylarymyzdyń jyly lebizderinen keıin bıyl Reseıde ótken Halyqaralyq «Balalar Jańa tolqyny» jas oryndaýshylar baıqaýynda úshinshi oryn alǵan «Nur Orda» mektebiniń 5 synyp oqýshysy Janel Sádýaqas «Qazaq eli osyndaı» óleńin joǵary deıńgeıde oryndap, kópshiliktiń qoshemetine bólendi. Odan ári qaraı búldirshinder óleń aıtyp, bı bıledi. Qalaı desek te, búgingi sharanyń qurmetti qonaqtary árıne oqýshylar boldy. Tań ata erte turyp, taza kıimderin kıip, qoldaryna gúl shoqtaryn alyp ustazdarymen qaýyshty. Al, mektep tabaldyryǵyn alǵash ret attaǵan 110 oqýshy Elbasynyń ózi kelip ashqan «Nur Orda» mektebiniń synyptaryna «tarydaı» bolyp kirdi.
Mektep merekesiniń sońynda Olımpıada chempıondary oqý barysynda balalardyń shabyttary sarqylmasyn degen nıetpen synyptardy aralap, oqýshylarmen sýretke túsip, qoltańbalaryn qaldyrdy.
