Olımpıada chempıondary Bolttyń jaraqattanýyna ÁCh uıymdastyrýshylaryn aıyptady
ASTANA. QazAqparat - Jeńil atletter, olımpıada chempıondary Omar Makleod jáne Iohan Bleık, sondaı-aq, olardyń áriptesi Djýlıan Forte jeńil atletıkadan Londonda ótken álem chempıonaty barysyndaǵy Ýseın Bolt jaraqatynyń jaýapkershiligin jarys uıymdastyrýshylaryna júktedi.
Makleod Mirror basylymyna Bolttyń júgirý jolyna shyqqansha tońyp qalǵandyqtan jaraqat alǵandyǵyn málim etken.
Kidiris birden úsh basqa sportshylardy marapattaý sharasyn ótkizgendikten týǵan. Makleodtyń aıtýynsha, Boltqa únemi boı jazyp, denesin qyzdyryp turýyna týra kelgen. Jáne onyń ózi de bul jaǵdaıdyń qalyptan tys keleńsizdik ekendigin aıtqan.
Buǵan deıin habarlanǵandaı , Londondaǵy jeńil atletıkadan ótken álem chempıonatynda aty ańyzǵa aınalǵan ıamaıkalyq sprınter Ýseın Bolt 4h100 estafetasynda jaraqat aldy. Bolt márege jeter aldynda aıaǵy aqsańdap, júgirý jolyna qulap túsken.
Aıta keteıik, buǵan deıin segiz dúrkin olımpıada chempıony Ýseın Bolt 2017 jylǵy álem chempıonaty onyń sporttyq mansabyndaǵy sońǵy týrnır bolatyndyǵyn málim etken bolatyn.
Foto: ©REUTERS/Lucy Nicholson
