Olımpıada chempıondary Balandın men Rahımov áskerı mindetin óteýge attandy
ALMATY. QazAqparat - Rıo Olımpıadasynyń chempıondary Dmıtrıı Balandın men Nıdjat Rahımov ásker qataryna alyndy, dep habarlaıdy QazAqparat tilshisi Almaty qalasy Qorǵanys isteri jónindegi departamentke silteme jasaı otyryp.
«26 jeltoqsan kúni Almaty qalasy Qorǵanys isteri jónindegi departamenttiń qalalyq jınalý pýnktinde áskerı mindetin óteýge attanatyn sarbazdardy shyǵaryp salý saltanatty sharasy ótkizildi. Áskerge shaqyrylǵandar arasynda Olımpıada chempıondary Dmıtrıı Balandın men Nıdjat Rahımov bar», - dedi atalǵan departamentten.
Aıta keteıik, jyl saıyn Almatydan 2000 adam ásker qataryna alynady. Bul joly 50 bolashaq sarbaz Astanadaǵy №5573 áskerı bólimge attandy.
Saltanatty jıynda Dmıtrıı Balandın ásker qataryna shaqyrylyp otyrǵan zamandastaryna sáttilik tilep, shyńdalyp oralý qajettigin aıtty.
Olımpıada chempıonyna: "Ásker qataryna óz erkińmen ketip bara jatsyń ba?" degen suraq qoıyldy.
Bul suraqqa ol: «Ár azamattyń Otan aldynda Konstıtýtsııalyq mindeti bar, ol boryshty óteýge árkim mindetti», dep jaýap berdi.
