Olımpıada: Boksshy Damır Toıbaı jartylaı fınalǵa shyqty
ASTANA. QazAqparat - Qazaqstandyq boksshy Damır Toıbaı Býenos-Aıreste ótip jatqan Jasóspirimder olımpıadasynda jartylaı fınalǵa shyqty, dep habarlaıdy QazAqparat Olympic.kz saıtyna silteme jasap.
Damır Toıbaı 91 keliden joǵary salmaq dárejesinde óner kórsetýde. Shırek fınalda ol samoalyq Tolaýa Týıgomala kezdesýi kerek edi. Alaıda qarsylasy jaraqatyna baılanysty kezdesýden bas tartyp, jeńis bizdiń sportshyǵa berildi.
Jartylaı fınal 16 qazan kúni ótedi. Damır kanadalyq Tetlýa Chýolmen qolǵap túıistiredi.
Aıta keteıik, Damır Toıbaı Býenos-Aırestegi Jasóspirimder Olımpıadasynyń ashylý saltanatynda Qazaqstannyń kók baıraǵyn ustap shyqqan bolatyn.
Buǵan deıin boksshy qyzymyz Nadejda Rıabets jartylaı fınalǵa shyqqanyn habarlaǵan bolatynbyz.
Qazaqstan quramasynyń qorjynynda ázirge 2 altyn, 1 kúmis jáne 1 qola medal bar.
Baıraqty dodada el namysyn 58 sportshy qorǵaýda.
