Olımpıada: Bıatlonshy erlerimizdiń eń úzdik nátıjesi - 43-oryn

ASTANA. QazAqparat - Qazaqstannyń 3 bıatlonshysy Phenchhan Olımpıadasynda erler arasyndaǵy 10 shaqyrymdyq jarysty aıaqtady, dep habarlaıdy QazAqparat.

QR Ulttyq Olımpıada komıtetiniń resmı saıtyndaǵy málimetke sáıkes, nysana kózdeýde múlt ketpegen nemis sportshysy Andr Paıffer 23 mınýt 38 sekýndta máre syzyǵynan ótip, jeńiske jetti. Al odan nebári 4 sekýndqa qalyp qoıǵan cheh Mıhal Krchmarj (nysana kózdeýde múlt ketken joq) kúmis medaldi qanjyǵasyna baılady. Qola medal nysana kózdeýde bir márte qatelikke boı aldyrǵan ıtalıandyq Vındısh Domınıkke buıyrdy. Ol jeńimpazdan 7 sekýndqa qalyp qoıdy.

Al qazaqstandyqtardyń arasynda úzdik nátıje Roman Eremınge tıesili. Nysana kózdeýde eki ret qatelikke boı aldyrǵan ol jarys qorytyndysynda 43-shi orynǵa turaqtady. Vladıslav Vıtenko bolsa, nysana kózdeýde 4 ret qatelikke jol berdi. Al Vasılıı Podkorytov (nysana kózdeýde bir ret qatelik jasady) pen Maksım Braýn (nysana kózdeýde 4 ret qatelik) bolsa, tipti úzdik 70 sportshynyń qataryna da ilige almady.

Olımpıada-2018. Phenchhan

Bıatlon

Sprınt, erler, 10 shaqyrym

Andr Paıffer (Germanııa) - 23:38.8 2.

Mıhal Krchmarj (Chehııa) - +4.4 3.

Vındısh Domınık (Italııa) - +7.7

... 43. Roman Eremın (Qazaqstan) - +1:43.1

79. Vladıslav Vıtenko (Qazaqstan) - +2:53.9

80.Vasılıı Podkorytov (Qazaqstan) - +2:55.9

85. Maksım Braýn (Qazaqstan) - +4:07.9