Olımpıada baǵdarlamasyna engen sporttan Qazaqstan 4 medal aldy
ASTANA. KAZINFORM — Qazaqstan akademııalyq eskek esýden halyqaralyq regatada 4 medal enshiledi, dep habarlaıdy Eskek esý túrlerinen Qazaqstan ulttyq federatsııanyń baspasóz qyzmeti.
Reseı Federatsııasynyń Vladıvostok qalasynda akademııalyq eskek esýden halyqaralyq regatada Qazaqstan komandasy sátti óner kórsetti.
Bıyl 5-ret uıymdastyrylǵan jarysta Qazaqstan qorjynyna 1 altyn, 1 kúmis jáne 2 qola medal tústi.
Jaǵalaýdaǵy akademııalyq eskek esý saıysynda Anastasııa Kýlınıch jekeleı synda (1x) fınalda 1000 metrdi 3:37.63 sekýndta baǵyndyryp, jeńimpaz atandy.
Jaǵalaýdaǵy akademııalyq eskek esý — 2028 jyly Los-Andjeleste ótetin Olımpıadanyń baǵdarlamasyna resmı kirgen baǵdarlama. Batyr Mádıev «kontsept» dıstsıplınasynda zalda eskek esýden jekeleı synda kúmis júldege qol jetkizdi.
Al Arystan Aıbekov jaǵalaýdaǵy akademııalyq eskek esý básekesinde 3-shi bolyp márege jetti. Otandasymyzdyń ýaqyt kórsetkishi — 3:20.79 sekýnd.
Qazaqstan komandasy mıkst (Anastasııa Kýlınıch, Arystan Aıbekov, Batyr Mádıev pen Darıa Lıalına) aralas komandalyq básekede úzdik úshtikti túıindedi. Barlyǵy Ulttyq qurama sapynda 6 eskek esý sheberi baq synady.
Aıta keteıik, bıyl regataǵa 5 eldiń sportshylary jınaldy.
Buǵan deıin Marııa Brovkova baıdarka men kanoede eskek esýden álem chempıonatynda úzdik bestikke engeni belgili boldy.
