Olımpıada alaýyn alyp ushqan ekıpaj HǴS-dan Jerge oralýǵa daıyndalýda
BAIQOŃYR. QazAqparat - Reseılik ǵaryshker Mıhaıl Tıýrın, Japondyq aeroǵaryshtyq zertteýler agenttiginiń astronavty Koıtı Vakata jáne amerıkandyq astronavt Rık Mastrakkıo 188 táýlik ushqannan keıin orbıtadaǵy jumysyn aıaqtaıdy.
Roskosmostyń baspasóz qyzmeti habarlaǵandaı, Halyqaralyq ǵarysh stansasyndaǵy (HǴS) 39 ekspedıtsııa ekıpajy Jerge «Soıýz TMA-11M» kemesinde oralmaq.
«Soıýz TMA-11M» ǵarysh kemesin HǴS 2014 jyldyń 14 mamyrynda ajyratý kózdelgen.
«Soıýz TMA-11M» kemesi Baıqońyrdan 2013 jyldyń 7 qarashasynda ushyrylǵan. Onyń ekıpajy HǴS olımpıada alaýyn jetkizgen bolatyn. Olımpıada alaýy ekıpaj emblemasyna, al zymyran tasyǵysh pen ǵarysh kemesine olımpıadalyq sımvolıka belgilengen.
HǴS-39 men HǴS -40 ekspedıtsııalary barysynda reseılik ǵaryshker M.Tıýrın 50 tájirıbe boıynsha 600-den astam seansqa qatysty, dep atap ótti baspasóz qyzmetinde.
