Olımpıada alaýy Koreıa Respýblıkasyna jetkizildi
ASTANA. QazAqparat - Sársenbi kúni Olımpıala alaýy Grekııadan 100 kúnnen keıin qysqy Olımpıada oıyndary bastalatyn Koreıa Respýblıkasynyń Phenchhan qalasyna jetkizildi.
Saltanatty shara alaý jetkizilgen Inchhon qalasynyń áýejaıynda ótedi, dep habarlaıdy TASS.
«Bárimiz uzaq kútken sát keldi. Olımpıada alaýy Koreıaǵa jetti, Phenchhanda ótetin 2018 jylǵy Qysqy Olımpıada oıyndaryna nebári júz kún qaldy. Bizdiń armanymyz júzege asty», - dedi Phenchhandaǵy Olımpıada oıyndarynyń uıymdastyrý komıtetiniń basshysy Lı Hı Bom.
Shamamen 750 adamnyń qatysýymen ótetin Inchhon áýejaıyndaǵy shara barysynda barlyq qaýipsizdik sharalary qarastyrylǵan. Oǵan eldiń premer-mınıstri Lı Nak En, mádenıet, sport jáne týrızm mınıstri To Chon Hvan, sondaı-aq, 2010 jyly mánerlep syrǵanaýdan olımpıada chempıony atanǵan Kım En A qatysady.
Aıta keteıik, 2018 jylǵy Qysqy olımpıada oıyndary 9-25 aqpanda, Paralımpıada - 9-18 naýryz aralyǵynda ótedi.
