Olımpıada-2028: World Boxing irikteý týrnırlerin ótkizetin elderdi anyqtady
ASTANA. KAZINFORM – Shotlandııanyń Glazgo qalasynda ótken World Boxing Atqarý komıtetiniń otyrysynda 2028 jyly Los-Andjeleste (AQSh) ótetin Olımpıada oıyndaryna joldama beretin boks týrnırlerin qabyldaıtyn elder bekitildi.
Qabyldanǵan sheshimge sáıkes, 2027 jyly qurlyqtyq irikteý jarystary myna memleketterde ótedi:
Amerıka – AQSh;
Azııa – Qytaı;
Eýropa – Eýropa oıyndary (Ystanbul, Túrkııa);
Muhıt araldary óńiri – Samoa;
Afrıka – Nıgerııa.
Sondaı-aq 2028 jyly ótetin eki álemdik irikteý týrnırin qabyldaıtyn elder de belgili boldy. Alǵashqy jarys Italııada, al ekinshisi Vengrııada uıymdastyrylady.
Jarystardyń naqty kúnderi men uıymdastyrýǵa qatysty ózge de málimetter keıinirek jarııalanady.
Aıta keteıik, Olımpıada oıyndaryna irikteý kezeńindegi alǵashqy doda 2027 jyly Astanada ótetin World Boxing álem chempıonaty bolady.
Bıllı Djın Kıng kýbogynyń fınaldyq kezeńine qatysatyn Qazaqstan quramasy anyqtalǵanyn jazǵan edik.
