Olımpıada-2026: jankúıerler Qazaqstan quramasyn qalaı qoldady
ASTANA. KAZINFORM – Italııada ótip jatqan qysqy Olımpıada oıyndary álem jankúıerleriniń nazaryn ózine aýdaryp otyr.
14 aqpanda Qazaqstan quramasy tarıhı jetistikke jetip, mánerlep syrǵanaýdan el tarıhyndaǵy alǵashqy altyn medaldi jeńip aldy.
Bul tarıhı jeńiske erkin baǵdarlamada tamasha óner kórsetken Mıhaıl Shaıdorov qol jetkizdi. Ol Olımpıada chempıony atanyp, Qazaqstannyń qysqy Olımpıada oıyndaryndaǵy ekinshi altynyn qorjynǵa saldy. Buǵan deıingi alǵashqy altyndy 1994 jyly shańǵy jarysynan Vladımır Smırnov jeńip alǵan edi.
Aıta keteıik, qazaqstandyqtar Olımpıadadaǵy ulttyq quramanyń ónerin tikeleı efırden tamashalap, áleýmettik jelilerde qoldaý bildirip jatyr.
Ásirese eń jas jankúıerler erekshe belsendilik tanytty: Olımpıada bastalar aldynda-aq Qazaqstannyń ár óńirindegi balalar sportshylarǵa arnap sýretter men tilekter joldaǵan.
Osy týyndylar negizinde Qazaqstan Ulttyq Olımpıada komıteti qazaqstandyq brendpen birlesip, biregeı dızaındaǵy svıtshottar ázirlep, olardy olımpıadalyq quramanyń múshelerine tabystady.
Balalardyń sýretteri men júrekjardy tilekteri el qoldaýynyń nyshanyna aınalyp, sportshylarǵa el senimin jetkizip, jigerlendirdi.
Atalǵan bastama aıasynda jasalǵan svıtshottar qazir qazaqstandyq dúkenderinde satylymǵa shyqty.
Buǵan deıin konkımen júgirýden ıass-start jarysynda qazaqstandyq sportshy Elızaveta Golýbeva fınalda óner kórsetkenin jazǵan edik.