Olımpıada-2026: otandastarymyz frıstaıl-akrobatıkadan jekeleı synda óner kórsetti

LIVINЬO. KAZINFORM – Italııanyń Lıvıno taý shańǵy kýrortynda XXV qysqy Olımpıada oıyndarynyń frıstaıl-akrobatıka jarysy jalǵasyp jatyr. 

Erler arasyndaǵy irikteý synyna qazaqstandyq sportshy Asan Asylhan, Dinmuhammed Raıymqulov, Sherzod Hashırbaev jáne Roman Ivanov qatysty.

Alǵashqy irikteý kezeńinde Roman Ivanov 105.75 upaı enshilep, 11-orynnan kórindi. Al Sherzod Hashırbaev 98.67 upaı (13-oryn), Asan Asylhan 88.94 upaı (15-oryn), Dinmuhammed Raıymqulov 69.47 upaı (22-oryn) enshiledi.

Ekinshi irikteý kezeńinde Roman Ivanov aldyńǵy nátıjesin qaıtalady. Alaıda, otandasymyz 13-orynmen fınalǵa bir taban jetpeı qaldy. Sherzod Hashırbaev 16-orynnan kórinse, al Asan Asylhan jáne Dinmuhammed Raıymqulov TOP-20 qataryna kirdi.

Aıta keteıik, mánerlep syrǵanaýshy Samodelkına Olımpıada oıyndarynda eki kezeńniń qortyndysy boıynsha 207.46 upaı jınap, jalpy esepte 10-orynǵa jaıǵasty. 

Osyǵan deıin jazǵy jáne qysqy Olımpıada oıyndarynda top jarǵan sportshylar týraly jazǵan edik.