Olımpıada-2026: Norvegııa quramasy búgin 6 medal jeńip aldy
MILAN. KAZINFORM – Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń tórtinshi jarys kúni aıaqtaldy.
Bul kúni 9 medal jıyntyǵy sarapqa salynyp, júlde jeńip alǵan elder sany 20-ǵa jetti.
Norvegııa quramasy bir kúnde 6 medal jeńip aldy. Olardyń qatarynda Bırk Rýýd sloýpstaıl jarysynda top jardy, al Iohannes Hesflot Kleboerler shańǵymen syrǵanaýdan klassıkalyq sprınt jarysynda altyn medal ıelendi.
Sonymen qatar taǵy bir norvegııalyq sportshy Iohan-Olav Botn Bıatlonnan 20 km jekeleı synda Olımpıada chempıony atandy.
Short-trek sportynan aralas estafetanyń jeńimpazdary anyqtaldy. Italııa quramasy 2 mınýt 39.019 sekýnd nátıjesimen máre syzyǵyn birinshi kesse, Kanada jáne Belgııa quramasy úzdik úshtikti túıindedi.
Shvetsııa quramasy búgingi jarys kúninde 4 júldeni qanjyǵasyna baılady. Eń áýeli, áıelder arasynda shańǵymen syrǵanaýdan klassıkalyq sprınt jarysynda shvetsııalyq sportshylar aldyńǵy úshtikti eshkimge bermedi. Sonymen qatar Shvetsııa quramasy kerlıng sportynan aralas juptyq synda top jardy.
Taý shańǵysy sportynan áıelder komandalyq slalom jarysynda Aýstrııa quramasy altyn medal ıelendi. Al shana sportynan jekeleı synda Germanııa sportshysy márege birinshi bolyp jetti.
Sondaı-aq shańǵymen tuǵyrdan sekirý aralas komandalyq synda Slovenııa quramasy altynnan alqa taqty.
XXV qysqy Olımpıada oıyndarynyń medal kestesi:
|
El |
Altyn |
Kúmis |
Qola |
Jalpy |
|
1. Norvegııa |
6 |
2 |
4 |
12 |
|
2. Germanııa |
3 |
2 |
1 |
6 |
|
3. Shvetsııa |
3 |
2 |
1 |
6 |
|
4. Shveıtsarııa |
3 |
1 |
1 |
5 |
|
5. AQSh |
2 |
3 |
2 |
7 |
|
6. Aýstrııa |
2 |
3 |
0 |
5 |
|
7. Italııa |
2 |
2 |
7 |
11 |
|
8. Japonııa |
2 |
2 |
4 |
8 |
|
9. Frantsııa |
1 |
2 |
0 |
3 |
|
10. Chehııa |
1 |
1 |
0 |
2 |
|
11. Nıderland |
1 |
1 |
0 |
2 |
|
12. Slovenııa |
1 |
1 |
0 |
2 |
|
13. Kanada |
0 |
1 |
2 |
3 |
|
14. Qytaı |
0 |
1 |
1 |
2 |
|
15. Ońtústik Koreıa |
0 |
1 |
1 |
2 |
|
16. Jańa Zelandııa |
0 |
1 |
1 |
2 |
|
17. Latvııa |
0 |
1 |
0 |
1 |
|
18. Polsha |
0 |
1 |
0 |
1 |
|
19. Belgııa |
0 |
0 |
1 |
1 |
|
20. Bolgarııa |
0 |
0 |
1 |
1 |
Osyǵan deıin habarlaǵanymyzdaı, Pavel Kolmakov frıstaıl-mogýldan Olımpıada oıyndarynyń fınalyna joldama aldy.
Sonymen qatar mánerlep syrǵanaýdan el namysyn qorǵap jatqan Mıhaıl Shaıdorov qysqa baǵdarlamada besinshi oryn aldy.