Olımpıada-2026: Mıhaıl Shaıdorov gala-kontsertte óner kórsetti
MILAN. KAZINFORM — Olımpıada oıyndarynyń chempıony, qazaqstandyq mánerlep syrǵanaýshy Mıhaıl Shaıdorov Mılan jáne Kortına-d’Ampetstso XXV qysqy Olımpıada oıyndarynyń gala-kontsertinde óner kórsetti.
Qazaqstandyq sportshy muz aıdynyna «Kýng fý Panda» stılinde shyǵyp, kórermenderdiń ystyq yqylasyna bólendi.
Baǵdarlamanyń sońynda, álemge tanymal kınojuldyz Djekı Chan alańǵa arnaıy shyǵyp, Mıhaıl Shaıdorovpen kezdesip, oǵan rızashylyǵyn bildirip, quttyqtady.
Eske salaıyq, Mıhaıl Shaıdorov 14 aqpan kúni erler arasynda mánerlep syrǵanaýdan jekeleı synda top jaryp, el qorjynyna araǵa 32 jyl salyp qysqy Olımpıada oıyndarynyń kezekti altyn júldesin syılady.
Osyǵan deıin habarlaǵanymyzdaı, amerıkalyq tanymal reper Snýp Dogg mánerlep syrǵanaýdan qazaqstandyq Olımpıada chempıony Mıhaıl Shaıdorovty quttyqtap, birge sýretke tústi.