Olımpıada-2026: Ámirǵalı Muratbekov pen Naıl Bashmakov úshin skıatlon jarysy aıaqtaldy

ASTANA.KAZINFORM — Búgin Italııadaǵy XXV qysqy olımpııa oıyndarynda shańǵy jarysynan erler arasyndaǵy alǵashqy báseke ótti.

Sportty damytý dırektsııasynyń baspasóz qyzmetiniń málimetinshe skıatlon baǵdarlamasynda (10 km+10 km) Ulttyq quramanyń eki sportshysy - Ámirǵalı Muratbekov pen Naıl Bashmakov baq synady. Jarys nátıjesinde Ámirǵalı 45-shi, Naıl 49-oryn aldy.

Bul dıstsıplınada sportshylar alǵashqy 10 shaqyrymdy klassıkalyq stılde júrip ótti. Al qalǵan bólikti pıt-stopta shańǵy aýystyryp, erkin mánerde baǵyndyrady.

Búgingi júldegerler tizimi, skıatlon:
1. Iohannes Klebo (Norvegııa)
2. Matıs Deloj (Frantsııa)
3. Martın Nıýnget (Norvegııa)

Aıta keteıik, shańǵy jarysynan uzaq jyldan beri Soltústik Eýropa, onyń ishinde Skandınavııa túbegi elderiniń sportshylary favorıt sanalady.

Aıta ketelik Qazaqstanda frıstaıl sportynyń damýy týraly jazǵan edik.