Olımpıada-2026: 20 aqpanda qazaqstandyqtar qalaı óner kórsetti

ASTANA. KAZINFORM – Mılan, Kortına-d’Ampetstso jáne Italııanyń soltústigindegi ózge de qalalarda ótip jatqan 2026 jylǵy qysqy Olımpııa oıyndarynyń aıaqtalýyna úsh kún qalǵanda, 20 aqpanda qazaqstandyq sportshylar úsh sport túri boıynsha synǵa tústi.

Frıstaıl-akrobatıkadan erler arasyndaǵy jeke jarysta tórt qazaqstandyq óner kórsetti.

Alaıda eshqaısysy irikteý kezeńinen óte almady. Nátıjesinde Asan Asylhan 18-oryn, Sherzod Hashırbaev 16-oryn, Dinmuhammed Raıymqulov 19-oryn, al Roman Ivanov 13-oryn aldy.

Short-trekten áıelder arasynda 1500 metr qashyqtyqta qazaqstandyq sportshylar irikteý kezeńinen asa almady. ıAna Han 29-orynǵa, Olga Tıhonova 22-orynǵa turaqtady.

Konkımen júgirý sportynan áıelder arasyndaǵy 1500 metr qashyqtyqta Nadejda Morozova men Elızaveta Golýbeva baq synady. Golýbeva 7-oryn ıelense, Morozova 12-satyǵa jaıǵasty. Sportshylar júldege qol jetkize almady.

Qazaqstan quramasynyń enshisinde bul Olımpıadada ázirge bir altyn medal bar.