Olımpıada-2022: Jańa rekordtar ornatyldy

NUR-SULTAN. QazAqparat - Amerıkalyq mánerlep syrǵanaýshy Neıtan Chen Beıjiń Olımpıadasyndaǵy qysqa baǵdarlamada jańa álemdik rekord ornatty. Sportshy bul baǵdarlamada 113,97 upaı jınaǵan. Buǵan deıingi rekordty 2020 jyly ótken tórt qurlyq týrnırinde japondyq mánerlep syrǵanaýshy ıÝdzýrý Hanıý (111,82 upaı) ornatqan bolatyn. Bul týraly QazAqparat BBC aqparat agenttigine silteme jasap habarlaıdy.

Endi 10 aqpanda Neıtan Chen erkin baǵdarlamasyn kórsetedi.

Qysqy Olımpıadada taǵy bir rekordty erler arasynda 1500 metrge júgirýden golandyq Keld Nýıs ornatyp, taǵy bir márte chempıondyq ataǵyn saqtap qaldy.

Nýız bul qashyqtyqty bir mınýt 43,21 sekýndta baǵyndyryp, Olımpıada rekordyn jańartty.

«Sene alar emespin. Bul meniń armanym bolǵan, biraq tórt jyl burynǵydaı senimdi emes edim», - dedi ol tilshilerge.

Keld Nýıs - 28 jyl ishinde erler arasynda 1500 metrge júgirýden Olımpıadanyń barlyq tıtýldaryn jeńip alǵan alǵashqy, al tarıhtaǵy tórtinshi sportshy.

Eske salsaq, Olımpıada oıyndarynyń tórtinshi kúngi qorytyndysy boıynsha Shvetsııa 3 altyn medalmen kósh bastap keledi.