Olımpıada 2022 ótkizýge Beıjińniń dosesi: Qytaı qysqy sport túrlerine 300 mln. adamdy tartpaq (FOTO)

Aspanasty eli astanasy uıymdastyrý komıtetiniń osy jáne basqa da josparlary týraly QHR-da tirkelgen otandyq BAQ («Qazaqstan», «24.kz»/«Habar» telearnalary jáne «QazAqparat» HAA) tilshileri sheteldik jýrnalıster úshin uıymdastyrylǵan Hebeı provıntsııasynyń Chýnlı ýezindegi ıÝndın taý shańǵysy kýrortynda ótken baspasóz týrynda estip bildi.

«2008 jyly biz jazǵy Olımpıada oıyndaryn oıdaǵydaı ótkizdik. Biz 2022 jylǵy qysqy Olımpıadany da osyndaı tabyspen ótkize alamyz. Biz Halyqaralyq olımpıada komıteti Beıjińdi qaýipsiz, senimdi áriptes retinde tańdaıtynyna senimdimiz», - dedi brıfıngi barysynda «Beıjiń - qysqy Olımpıdada-2022 ótkizýge úmitker-qala» Uıymdastyrý komıtetiniń jurtshylyqpen baılanys departamentiniń basshysy Van Hýeı.

Sonymen birge ol Almaty da óziniń artyqshylyqtary bar Beıjińge básekeles qala ekenin atap ótti. QHR deneshynyqtyrý jáne sport isteri jónindegi Bas memlekettik basqarma qysqy sport túrlerimen 300 mln. adamnyń aınalysýyna múmkindik beretin strategııa jasaǵany atalyp ótildi. Ol eger Beıjiń jeńiske jetetin bolsa, sport ındýstrııasynyń damýyna da serpin beretinin eske saldy.

Qytaı astanasynda 3 problema bar. Uıymdastyrý komıteti osy máselelerdi sheshýi tıis. Bular: Aýanyń lastanýy - qysqy Olımpıada ótkizý kezinde Beıjiń-Tıantszın-Hebeı aımaǵynda aýa sapasyn Dúnıejúzilik densaýlyq saqtaý uıymy standartyna jetkizý josparlanýda. Kómirdi paıdalaný 23 mln.-nan 10 tonnaǵa deıin qysqartylatyn bolady.

Qardyń az bolýy - osy sebeppen Beıjińde muz aıdyny jarystary ótedi, al qarly sport túrleri Chjantszıakoý men ıAntsınde ótpek. Jasandy qar úshin sý kóktemgi-jazǵy kezeńde úsh arnaıy jasalǵan sý qoımasyna jınalady (taý qarynyń erýi jáne jańbyr).

Beıjińnen snoýbord pen frıstaıl jarystary ótetin ıÝndın taý shańǵysy kýrortyna deıingi qashyqtyq 294 shaqyrym. Jýrnalıster ol jerge 6 saǵatqa jýyq ýaqytta jetti. Uıymdastyrýshylar 2019 jyly joǵary jyldamdyqty Beıjiń-Chjantszıakoý temirjol tarmaǵy salynatynyna sendirdi, sonda bul qashyqtyqty 50 mınýtta eńserýge bolady.

Qytaı bıligi Beıjińdegi qysqy Olımpıdada únemdi bolady degen senimde.

«Birinshiden, biz 2008 jylǵy Olımpıadalyq oıyndar muralarynan qalǵan nysandardy paıdvlanamyz. Ekinshiden, neǵurlym ǵylymı jáne praktıkalyq josparlaýdy qoldanatyn bolamyz. Úshinshiden, biz shyǵyndardy qatań baqylaýǵa alamyz», - dedi Van Hýeı.

Beıjińniń resmı dosesinde sporttyq jáne sporttyq emes 25 nysannyń 10-y qazirdiń ózinde jumys istep turǵany, 15-in salý josparlanǵany kórsetilgen, onyń ishinde - 6-ýy - sport keshenderi. Olımpıadany uıymdastyrýǵa Qytaı 4 mlrd. dollardan astam qarjy tartady, onyń ishinde bıznes ınvestıtsııalary da bar. Qysqy Olımpıadalyq jáne Paralımpııalyq oıyndardan ishki naryq esebinen 858 mln. dollar kiris túspek. Uıymdastyrýshylar olımpıadashylar jarystaryna 2 mln. 50 myń, paralımpıadashylar jarystaryna - 390 myń bılet satýǵa nıetti. Bıletter satýdan túsetin tabys 118 mln. dollar bolmaqshy.

Keıbir shańǵy jarystary Uly Qytaı qorǵany mańyna ótedi. Olımpıada kezinde uıymdastyrýshylar munda muz músinderi kórmesin ótkizýdi josparlaýda.

Beıjińniń kandıdatýrasy bekitilgen jaǵdaıda qysqy Olımpıada-2022 4-20 aqpan aralyǵynda (aı kúntizbesi boıynsha Qytaı jańa jylyn merekeleý kúnderi), al Paralımpıada 4-13 naýryz kúnderi ótpek.

Qarly sport túrlerinen jarystar ótkiziletin basty oryn ıÝndın taý shańǵysy kýrorty bolady. Onyń aýmaǵy 100 sharshy shaqyrym. Onda josparlanǵan jumystar aıaqtalǵanda Qytaıdaǵy iri taý shańǵysy sporty nysanyna aınalady. 2020 jylǵa qaraı 35 taý shańǵysy joldary, jalpy uzyndyǵy 70 shaqyrymdyq 87 aspaly jol jumys isteıdi. Jýrnalısterge kórsetilgen qonaqúıdiń aýdany 130 myń sharshy metr jáne onda 2065 bólme bar.

Eske sala keteıik, qazirgi kezde 2022 jylǵy qysqy Olımpıada ótkizýge Almaty men Beıjiń ǵana úmitker bolyp otyr.