Olımpıada-2022: Qazaqstan qaı sportshylarǵa erekshe úmit artady
«Egemen Qazaqstan úshin alǵashqy qysqy Olımpıada – 1994 jylǵy Lıllehammerdegi oıyndar boldy. Beıjiń Olımpıadasy Táýelsizdiktiń 30 jylyndaǵy 8-shi Olımpıada bolmaq. Táýelsiz Qazaqstannyń sport tarıhynda qysqy Olımpıadalarda 1 altyn, 3 kúmis jáne 4 qola medal qorjynǵa túsken. Onyń ishinde, qysqy Olımpıadanyń birinshi jáne jalǵyz qazaqstandyq chempıony – Vladımır Smırnov. Sondaı-aq, qysqy Olımpıada júldegerleri Lıýdmıla Prokasheva, Elena Hrýstaleva, Denıs Ten jáne frıstaıl – mogýldan qurama jetekshisi ıÝlııa Galyshevanyń qosqan úlesin atap ótken jón», - delingen habarlamada.
Bıylǵy XXIV qysqy Olımpıadaǵa álemniń 95 elinen úsh myńnan astam sportshy qatysady dep kútilýde. Jarys baǵdarlamasyna sáıkes, sporttyń 15 túri boıynsha 109 medal sarapqa salynady.
Qazaqstannyń olımpıadalyq quramasynyń atynan Abzal Ájiǵalıev pen Ekaterına Aıdova Tý kóterip shyǵady.
Quramadaǵy eń úlken sportshy – 35 jastaǵy shańǵyshy Evgenıı Velıchko bolsa, eń kishisi – frıstaıl-mogýlda oıyn kórsetetin 16 jasar Anastasııa Gorodko, ol 2021 jylǵy Álem chempıonatynyń qola júldegeri atanǵan.
«Olımpıada oıyndaryndaǵy eń tájirıbeli top – frıstaıl-mogýl komandasy. ıÝlııa Galysheva bul sport túrinen 2018 jylǵy Olımpıadada «qola» jeńip aldy. Bıyl ol tórtinshi ret sport oıyndaryna qatysqaly otyr. Dmıtrıı Reıherd – Azııa oıyndary men Ýnıversıada chempıony, ol da tórtinshi ret synǵa túsedi. Pavel Kolmakov – Álem kýbogy kezeńderiniń júldegeri, ol óz mansabynda úshinshi ret qatysady. Sondaı-aq, short-trek komandasynda myqty quram bar. Onda Álem kýbogy kezeńiniń chempıony Abzal Ájiǵalıev, álem kýbogy kezeńderiniń júldegeri Denıs Nıkısha bar. Ekaterına Aıdova da Qazaqstan quramasynyń tájirıbeli sportshylarynyń biri,ol jasóspirimder arasyndaǵy álem chempıony (2010) atanǵan», – dep habarlaıdy mınıstrliktiń baspasóz qyzmeti.
Aıta keteıik, Beıjińdegi XXIV qysqy Olımpıada oıyndary 4-20 aqpan aralyǵynda ótedi. Aq Olımpıadada elimizdiń namysyn 34 sportshy qorǵaıdy.