Olımpıada-2020: Qazaqstan medaldar sany boıynsha neshinshi orynda

TOKIO. QazAqparat – Búgin qazaqstandyq sportshylar Tokıodaǵy Olımpıada oıyndarynda taǵy bir medaldi ıelendi. Qola medaldy Qazaqstan qorjynyna boksshy Qamshybek Qońqabaev saldy, dep habarlaıdy QazAqparat Sports.kz-ke silteme jasap.

Jarystyń on ekinshi kúninen keıin Qazaqstan quramasy tórt qola medalmen medaldyq esepte 75-orynda tur. Tizimde burynǵysha Qytaı (32-22-16) kósh bastaýda. Ekinshi orynda – AQSh (25-31-23), úshinshi orynda – Japonııa (21-7-12) tur. Postkeńestik elder arasyndaǵy úzdigi Reseı (14-21-18) altynshy orynda.

Odan keıingi oryndarda Grýzııa — 23-shi orynda (2-4-1), Ózbekstan — 30-orynda (2-0-1), Ýkraına — 37-orynda (1-2-8), Belarýs, Estonııa jáne Latvııa — 53-orynda (1-0-1), Armenııa men Qyrǵyzstan — 61-orynda (0-2-1), Túrikmenstan — 71-orynda (0-1-0) jáne Ázerbaıjan — 76-orynda (0-0-3).

Olımpıada-2020 oıyndarynyń 4 tamyzdaǵy medaldyq esepte úzdik ondyqta turǵan elder:

1. Qytaı — 32-22-16

2. AQSh — 25-31-23

3. Japonııa — 21-7-12

4. Ulybrıtanııa — 15-18-15

5. Avstralııa — 15-4-17

6. Reseı — 14-21-18

7. Germanııa — 8-8-16

8. Frantsııa — 6-10-9

9. Italııa — 6-9-15

10. Nıderlandy — 6-8-9

75. Qazaqstan — 0-0-4.