Olımpıada-2020 qarsańynda Tokıo shyǵanaǵyndaǵy sýdy tazalaý josparlanýda
ASTANA. QazAqparat - Tokıo bıligi japondyq astanada ótetin jazǵy Olımpıada 2020 oıyndary qarsańynda Tokıo shyǵanaǵyndaǵy sýdy tazartý jumystaryn qolǵa almaq.
Bul týraly jergilikti BAQ habarlady.
2015 qarjy jylyna arnalǵan bıýdjettik ótinimde tokıolyq úkimet qalanyń ekologııalyq jaǵdaıyn jaqsartý úshin 3,6 mlrd. ıen (shamamen 35 mln. dollar) suraıdy dep kútilýde. Bul qarajat esebinen soltústik bóligi megapolıstiń ortalyǵynda ornalasqan shyǵanaqqa tazalaý jumystaryn júrgizý kózdelip otyr.
Tokıoda ótetin jazǵy Olımpıadanyń erekshelikteriniń biri- jınaqylyǵynda. Barlyq negizgi sport nysandary japondyq astana ortalyǵynda qumdy aralda salynǵan Olımpıada aýylynan 8 shaqyrymnan aspaıtyn qashyqtyqta ornalasatyn bolady. Uıymdastyrýshylardyń aıtýynsha, kórermender kez kelgen stadıonǵa nebári jarty saǵattyń ishinde jete alady.
