Olımpıada-2018: Sportshylardy tirkeý aıaqtaldy

ASTANA. QazAqparat - Búgin halyqaralyq Olımpıada komıteti Ońtústik Koreıada ótetin XXIII qysqy Olımpıadaǵa qatysatyn sportshylardy tirkeýdi aıaqtady, dep habarlaıdy QazAqparat tilshisi.

Phenchhan olımpıadasyn uıymdastyrý komıteti taratqan málimetterine súıensek, barlyq sport túrlerinen sportshylardy tirkeý aıaqtalǵan. Endi, búginnen bastap Phenchhan olımpıadashylardy qabyldaı bastaıdy.

Jalpy Qysqy oıyndaryna 92 Ulttyq Olımpıada komıtetten 2295 sportshy tirkeýden ótken.

Ońtústik Koreıanyń ózinen 15 sport túri boıynsha 144 sportshy medalǵa talasady. Al Soltústik Koreıadan tórtjyldyq dodaǵa 5 sport túrinen 22 sportshy qatysatyny belgili boldy.

Sonymen qatar Phenchhan olımpıadasyna 6 memleket tuńǵysh ret qatysqaly otyr. Olar - Ekvador (shańǵymen syrǵanaý), Erıtreıa (Alpi shańǵymen syrǵanaý), Kosovo (Alpi shańǵymen syrǵanaý), Malaızııa (Fıgýralyq konkı), Nıgerııa (Bobsleı jáne Skeleton) jáne Sıngapýr (Short Track Skating) sportshylary.