Olımpıada-2018: Shevchenko irikteý synynan súrinbeı ótti

PHENChHAN. QazAqparat - Búgin Ońtústik Koreıada ótip jatqan HHIII qysqy Olımpıada oıyndarynda áıelder arasynda synǵa túsip jatqan shańǵyshy Anna Shevchenko shırek fınalǵa shyqty, dep habarlaıdy QazAqparat tilshisi.

Otandasymyz Shevchenko búgin Olımpıada oıyndaryndaǵy klassıkalyq sprınt synynda el namysyn qorǵap,  alǵashqy irikteýden súrinbeı ótti.

Ol máre syzyǵyn 3 mınýt 23,27 sekýndta basyp, nátıjesinde 67 sportshynyń arasynan 27-orynǵa ıe boly. Osylaısha ol alǵashqy úzdik 30 sportshynyń qataryna enip, shırek fınalda baq synaıtyn sportshylar qataryna endi.

Al týra osy synda el namysyn qorǵap jatqan ekinshi shańǵyshy arý Elena Kolomına 55-shi, Valerııa Tıýleneva 60-shy oryndarǵa taban tiredi. Bul kórsetkish olarǵa ary qaraı jarysty jalǵastyrýǵa jetkiliksiz boldy. Endi, shırek fınaldaǵy sprınt saıysy Astana ýaqytymen saǵat 17:00-de bastalady.