Olımpıada-2018: Shańǵyshylarymyz júldege ilige almady
PHENChHAN. QazAqparat - Búgin Phenchhan Olımpıadasynda shańǵydan erler arasyndaǵy 15 shaqyrymdyq saıystar ótti. Ókinishke qaraı, qazaqstandyq sportshylar bul synda júldesiz qaldy, dep habarlaıdy QazAqparat tilshisi.
Atalǵan dodada Evgenıı Velıchko, Denıs Volotka, Vıtalıı Pýhkalo óner kórsetti. Nátıjesinde Vıtalıı Pýhkalo (36:57.4) 54-oryn, Evgenıı Velıchko (37:28.6) - 61, Denıs Volotko (37:39.8) 64-oryndar aldy.
Bul saıysta bas júldeni shveıtsarııalyq Darıo Kolonıa jeńip alsa, ekinshi oryndy norvegııalyq sportshy Sımen Hegstad Krıýger ıelendi. Úzdik úshtikti Olımpıada týy astynda synǵa túsip jatqan reseılik Denıs Spıtsov túıindedi.
Buǵan deıin habarlaǵanymyzdaı, 18 aqpan, jeksenbi kúni qazaqstandyqtar sporttyń 3 túrinen baq synaıdy.
Eske salaıyq, 9 aqpanda alaýy tutanǵan Aq Olımpıada oıyndaryna Qazaqstan sportshylary 57 joldama jeńip alǵan bolatyn. Olar sporttyń 9 túrinen el namysyn qorǵaýda. Phenchhan Olımpıadasynda jalpy sporttyń 15 túrinen 102 medal jıyntyǵy sarapqa salynady. Baıraqty doda 25 aqpanda aıaqtalady. Qazaqstan qorjynynda ázirge bir qola medal bar.
