Olımpıada-2018: Sergeı Tkachenko irikteý kezeńinen ótti

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan XXІІІ qysqy Olımpıada oıyndarynda tramplınnen shańǵymen sekirý saıysynda baq synaǵan qazaqstandyq Sergeı Ikachenko alǵashqy irikteýden súrinbeı ótti, dep habarlaıdy QazAqparat tilshisi.

Úlken tramplınnen sekirý saıysynda Sergeı Tkachenko 70,9 upaı jınady. Endi ol erteń, ıaǵnı 17-shi aqpanda ekinshi irikteý saıysynda synǵa túsedi. Eger, erteńgi irikteýden úzdikter ataryna qosylyp jatsa, ol medal úshin synǵa túsetin bolady.

Esterińizge sala keteıik, osyǵan deıin Sergeı Tkachenko 90 metr bıiktikten shańǵymen tramplınnen sekirýdiń irikteý kezeńinde 83.7 upaı jınap, 51-shi orynǵa qol jetkizgen edi. Bul kórsetkish onyń fınaldyq kezeńde óner kórsetýine jetkiliksiz boldy.

Shyǵys Qazaqstan oblysynyń 18 jastaǵy sportshysy bıyl Olımpıada oıyndaryna birinshi ret qatysyp otyr.