Olımpıada-2018: Sergeı Tkachenko ekinshi irikteý kezeńinen ótpeı qaldy

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan XXІІІ qysqy Olımpıada oıyndarynda tramplınde shańǵymen sekirý saıysynda synǵa túsken otandasymyz Sergeı Tkachenko ekinshi irikteýden ótpeı qaldy, dep habarlaıdy QazAqparat tilshisi.

Ol búgin úlken tramplınnen sekirýde ekinshi irikteý saıysyna qatysqan bolatyn. Alaıda, jarys barysynda 73,5 upaı jınap, úzdik 30 sportshynyń qataryna qosyla almady.

Esterińizge sala keteıik, keshe Tkachenko úlken tramplınnen sekirý saıysynyń alǵashqy irikteý synynda 70,9 upaı jınap, ekinshi irikteý saıysyna ótken bolatyn. Ókinishke qaraı búgin joly bolmady.