Olımpıada-2018: Pýhkalo skıatlonnan 34-shi bolyp keldi

ASTANA. QazAqparat - Ońtústik Koreıanyń Phenchhan qalasynda erler arasynda shańǵymen «Skıatlon» jarysy ótti. Qazaqstan komandasy atynan bul saıysqa Evgenıı Velıchko men Vıtalıı Pýhkalo qatysty, dep habarlaıdy QazAqparat.

QR Ulttyq shańǵy jarysy federatsııasynyń baspasóz qyzmeti taratqan málimetke sáıkes, Olımpıada oıyndaryna joǵary daıyndyqpen kelgen norvegııalyq sportshylar júldeli oryndardyń barlyǵyna ıelik etti. Altyn medal Sımen Krıýgerge buıyrdy.

Al Qazaqstan sportshysy Vıtalıı Pýhkalo már syzyǵyn 34-shi, Evgenıı Velıchko bolsa 43-shi bolyp kesip ótti.

    

Foto: Izturgan Aldauyev