Olımpıada-2018 ótkizetin úmitker-qalalar ataldy
ASTANA. Maýsymnyń 22-si. QazAqparat - Halyqaralyq Olımpıada komıtetiniń atqarý komıteti búgin 2018 jyly qysqy Olımpıadalyq oıyndardy ótkizýge resmı úmitker qalalardy bekitti, dep habarlady RBK agenttigi. Olar -ońtústikkoreıalyq Phenchhan, frantsýzdyq Ansı jáne nemistiń Mıýnhen qalalary, delingen Halyqaralyq olımpıada komıtetiniń resmı saıtynda.
Halyqaralyq Olımpıada komıteti úmitker qalalar sany kóp bolmaǵandyqtan, sońǵy 30 jylda alǵash ret úmitkerlerdi shyǵaryp tastaǵan joq. Ótinim bergen barlyq úsh qala da 2018 jylǵy Olımpıada astanasy ataǵyna resmı úmitker mártebesin aldy.
2018 jylǵy qysqy Olımpıadanyń astanasy 2011 jyly Dýrbanda ótetin Halyqaralyq Olımpıada komıtetiniń 123-inshi sessııasynda belgili bolady. Ázirge olımpıadalyq dodada ońtústikkoreıalyq Phenchhan kósh bastap keledi, bul qala osy mártebeni jeńip alý úshin osymen qatarynan úshinshi ret baq synap otyr. 2010 jyly ony kanadalyq Vankýver jeńip aldy, al 2014 jylǵy olımpıadany ótkizý qurmetine reseılik Sochı qalasy ıe bolǵan edi.
