Olımpıada-2018: Konkıshi jigitterimiz 500 metrdi júldesiz aıaqtady

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda konkıshi jigitterimiz 500 metr qashyqtyqta synǵa túsip, júldeli oryndarǵa ıe bola almady, dep habarlaıdy QazAqparat tilshisi.

Atalǵan qashyqtyqta jarys jolyna úsh birdeı konkıshimiz Artem Krıkýnov, Stanıslav Palkın jáne Roman Krech shyqqan bolatyn. Ókinishke qaraı, úsheýi de júldeli oryndardan qur qaldy.

Qazaqstandyqtar arasynan Palkın 24-shi orynǵa ıe boldy. Ol bas júldeni jeńip alǵan norvegııalyq Havard Lorentsennen + 0,92 sekýndqa qalyp qoıdy. Ekinshi sportshymyz Krıkýnov 25-shi oryndy (+0.93) mise tutsa, úshinshi konkıshimiz Krech jarysty 35-shi (+1.51) orynmen aıaqtady.

         

foto: Danııar Maılybaev