Olımpıada-2018: Konkıshi Fedor Mezentsev alǵashqy irikteýden ótpeı qaldy
PHENChHAN. QazAqparat - Búgin Phenchhan qalasynda ótip jatqan HHIII qysqy Olımpıada oıyndarynda konkı tebý sportynan erler arasynda mass-start jarysy ótti, dep habarlaıdy QazAqparat tilshisi.
Atalǵan dodada el namysyn Fedor Mezentsev qorǵap, ókinishke qaraı ol fınaldyq kezeńniń alǵashqy irikteý synynan ótpeı qaldy. Fınaldyq birinshi irikteý synynda 12 sportshy muz aıdynǵa shyǵyp, alǵashqy segizdikke ilingen sportshylar ekinshi fınaldyq irikteý kezeńine joldama aldy. Al otandasymyz óz tobynda 11-shi orynnan kórindi.
Osylaısha, Phenchhan Olımpıada oıyndarynda Qazaqstan úshin konkı tebý sporty aıaqtaldy.
Esterińizge sala keteıik, búgin shańǵy sportynan 50 shaqyrymdyq mass-ctart saıysynda qazaqstandyq shańǵyshy Alekseı Poltoranın 15-shi oryn alyp, júldege qol jetkize almaǵan bolatyn. https://kaz.inform.kz/news/olimpiada-2018-altyn-kutken-aleksey-poltoranin-ondykka-da-kirmey-kaldy_a3164687
