Olımpıada-2018: Qazaqstandyq sportshylardyń 9-shy kúngi nátıjeleri

PHENChHAN. QazAqparat - Qazaq eli úshin Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynyń  toǵyzynshy kúni de ádettegideı medalsyz aıaqtaldy, dep habarlaıdy QazAqparat tilshisi.

Búgin otandastarymyz jarys kestesine sáıkes úsh sport túrinen ǵana baq synady. Eń birinshi bolyp, Astana ýaqytymen 16:00 de short-trekshilerden 1 500 metr qashyqtyqta eki qyzymyz saıys alańyna shyqty. Olardyń biri short-trekshi Ońtústik Koreıadan qalap alǵan Kım Iong A bolsa, ekinshisi óz jerlesimiz Anastasııa Krestova bolatyn. Ókinishke qaraı ekeýi de alǵashqy irikteý synynan súrindi. Kım Iong A óz tobynda atalǵan 1 500 metrdi tórtinshi orynmen aıaqtasa,  Anastasııa Krestova óz tobynda 6-shy orynǵa taban tiredi.

Al búgin erler arasynda shańǵy akrobatıkasynan erler arasynda otandasymyz Ildar Badrýtdınov óner kórsetti. Alaıda,  ol jarys barysynda 89.18 upaı jınap, 19-shy orynǵa taban tiredi. Bul kórsetkishpen ol da kelesi kezeńge óte almady.

Sonymen sońǵy úmitti  úlken tramplınnen shańǵymen sekirý saıysynda synǵa túsetin Sergeı Tkachenkoǵa arttyq. Ókinishke qaraı  Tkachenko da biz kútken mejeli oryndy baǵyndyra almady. Ol búgin ekinshi múmkindiginde 73.5 upaı jınap, jarysty 49-shy orynda aıaqtady.

Esterińizge sala keteıik, qazir Qazaqstan qorjynynda ıÝlııa Galysheva jeńip alǵan jalǵyz qola medal bar.